МОНКОНДИ - Монголын анхны масс чихрийн үйлдвэр

БОСА ХОЛДИНГ ХХК нь 1996 оноос чихрийн зах зээлд Дэлхийн томоохон үйлдвэрлэгчдийн дистрибьютерээр ажиллан, Монгол улсын чихэр болон амттаны ТОП 5 импортлогч компаниудын нэг юм. Уг туршлага дээрээ үндэслэн 2019 оноос чихэр амттаны зах зээлд үйл ажиллагааг өргөжүүлэхээр хамгийн сүүлийн үеийн тоног төхөөрөмж, ОХУ-ын Ноу хау болон БОСА Холдинг компанийн олон жилийн туршлагыг хослуулан “Бид Аз жаргалыг үйлдвэрлэдэг” гэсэн уриан дор МОНКОНДИ брэндийн чихрийн үйлдвэрийг Монгол улсдаа амжилттай нээлээ. Уг чихрийн үйлдвэр нь Монгол улсад хамгийн том чихрийн үйлдвэр юм. Нийт үйлдвэрийн талбайн хэмжээ 4500м.кв, жилд 3000 тн чихэр үйлдвэрлэх хүчин чадалтай буюу чихрийн зах зээлийн 20 хувийг дангаараа нийлүүлэх боломжтой орчин үеийн тоног төхөөрөмжөөр тоноглогдсон шинэхэн үйлдвэр ашиглалтад орууллаа. Өнөөдрийн байдлаар бид 20 гаруй нэр төрлийн МОНКОНДИ брэндийн чихрийг зах зээлд нийлүүлээд байгаа бөгөөд бүтээгдэхүүнээ үйлдвэрлэхдээ олон улсын стандарт, шаардлага хангасан чанартай түүхий эдийг тэргүүлэгч нийлүүлэгчдээс худалдан авч, олон улсын шилдэг мэргэжилтнүүдээс суралцан чадварлаг боловсон хүчин бэлдэж олон улсын чанар, стандартыг хангасан бүтээгдэхүүн үйлдвэрлэн ажиллаж байна.

ТЭРЭЛЖ БАЙГАЛИЙН ЭРДЭСТ УСНЫ ҮЙЛДВЭРТ ХӨРӨНГӨ ОРУУЛАЛТ ХИЙЛЭЭ

“БЛҮ ГОЛД” ХХК нь 2004 онд байгалийн эрдэст усны үйлдвэрлэл, худалдааны чиглэлээр үүсгэн байгуулагдаж, Монгол улсын шингэн хүнсний зах зээлд “Тэрэлж” байгалийн эрдэст усыг үйлдвэрлэн нийлүүлж буй үндэсний хөрөнгө оруулалттай компани юм. “БЛҮ ГОЛД” ХХК нь үйлдвэрийн барилгыг 864 мкв-аар өргөтгөж, үйлдвэрийн тоног төхөөрөмжийг Евро стандарт хангасан Турк улсын тоног төхөөрөмжөөр шинэчлэснээр үйлдвэрийн хүчин чадлыг 5 дахин нэмэгдүүлж, Монгол улсын баллонтой усны зах зээлд тэргүүлэх байр сууриа улам бататгаж ажиллаж байна. Тус хөрөнгө оруулалтыг хийснэээр жилд 15 сая литр ус үйлдвэрлэх хүчин чадалтай, ариутгалын аппарат, бактергүйжүүлэлтийн шат дамжлага бүхий 6 төрлийн савлагааны шугамтай, бүрэн автомат тоног төхөөрөмжтэй болж, дотоодын цэвэр усны зах зээлийн 16%, Баллонтой усны зах зээлийн 20%-ийг дангаараа нийлүүлэн ажиллаж байна.